Thursday 31 March 2011


القاهرة 31/3/2001

عزيزي القاريء، لو كلامي مش عجبك انساه و أوعى تضايق نفسك و فكر في أي حاجة تاني أهم عشان ده أول blog ليا في حياتي و مش مستاهلة يعني، ده ملوش تأثير على  الإستقرار ولا انتخبات الرئاسة ولا حتى هتوقف عجلة الإقتصاد "المفسية"أصلاً ...تقدر تعتبره كلام شاب ملوش أي تلتين لازمة....لكن لو عجبك تقدر تقول دة بيفهم و بعد كم blog تعتبرني مثلك الأعلى ولا حاجة و مش بعيد تعمل group على facebook عشان تفاوضني أني أمثلك في ائتلاف الشباب ولا الحوار الوطني..و مش بعيد أعمل ندوة في مكان من بتوع المثقفين و احلل الأوضاع السياسية من وجهة نظري الخبثة...و بعدها على طول أنوي الترشح لنتخبات الرئاسة "ماهو كل واحد راح حصتين gym نازل انتخبات"

النظافة من الوطنية 

12/2/2011 انطلقت أول facebook page بتقول  "يلا ننضف بلدنا "،و دي كنت لحظة من أسعد لحظات حياتي التي سرحت فيها بخيالي و قلت " أخيراً أنزل أمشي في الشارع و أنا ماشي حافي و متبقاش رجلي زي لون رجل الواد محمد إبن محسن البواب بتعنا". و كنت أول واحد ضارب الجونتي و الكمامة "فكرنهة بتاعت انفلونزا الخنزير " وي نازل الشارع و نضافة و بياض و كل حاجة، وطبعاً بدأت الحملة تكبر و تغطي كل شارع في مصر وساعتها كان هو ده أول ائتلاف شعبي بجد يدل على تحضر هذا الشعب العظيم بجميع فأته (نساء و رجال و أطفال و شباب ) و طبعاً كان هو ده أول فرصة نمارس فيها الحرية بدون رهبة فبدأ طبعاً كل مجموعة تخرج كل الإبداع العندهم و بدأو بقى بتلوين الرصيف "ليه مش عارف ؟؟" بالرغم من أني الرصيف ده في مصر زي كده صوتك في الانتخبات زمان الإتنن ملهمش أي لازمة واحد تبلو و تشرب مياتو و التاني تابلو العصرية عشان يجبلك طراوة. و بعد كدة طالما للرصيف إتلوين يبقى نلوين الخطوط بتاعت الشارع الأصلاً في ناس كتير بتقرا دلوقتي مش مهتمين يعرفو اى لزمه الخطوط دي.و انهيت المرحلة دي من الحرية و الوطنية و الحضارة، بوجود علم مصر في كل شارع على صندوق كهربا على عمدان نور على شجر بعد ما كان العلم ده في المدرسة و لم كبرنا شوية في كاس الأمم.

على فكرة ال-blog ده لا ينتقد شخص بذاته و ملوش أي فكر سياسي ولا أجندة دة blog ساذج أصلاً و لا ال عربي بتاعو بعافية شوية ...عزيزي ال قارئ  لمؤخذة كلمنا خلص...:) "و للحديث باقية..ما دام في العمر باقية " 

8 comments:

  1. good luck dude! welcome to the fun of blogging :D gave me a good laugh :)

    ReplyDelete
  2. its nice to see u optimistic about Egypt after ur adventures in mogam3 el ta7rir we enta btal3 el passport we ur adventures fe el 2sm lama bta2tk da3et :D:D,

    love ur sarcastic way as always and waiting for the next episode.

    ReplyDelete
  3. Hey Mahmoud Thanks a lot :) but apparently U know a lot about me and i know nothing about u :D anta meen ??

    ReplyDelete
  4. sorry ya Makarem nseet amdy 3ala el post

    ana Shawky ya rays

    ReplyDelete
  5. hahahaha :D:D... gatak nella....bas bardo 7abeby we mat2l2sh ana hakteb kol 7aga 7asltly fy el balad dy :D

    ReplyDelete
  6. man, mabrook, a gr8 job, keep it up and im proud of u :)

    the analysis seems to be going somewhere significant, im expecting gr8 works in the future, we'll wait and see, and u'll do it isA

    by the way, my name is ahmed aboelmakarem :)

    ReplyDelete
  7. estamer yaboo el makrem :)) .. ana " follower - motabe3 " dlwa2ty :D hehe

    ReplyDelete
  8. Guys Thnaks a lot for your support :) If you have some concrete feedback for me i really would like to know it :)

    ReplyDelete